कुशलको शतकसँगै नामिबियामाथि नेपालको रबाफिलो जित

मिडियाचोक

२०७९ फागुन २, मंगलबार मा प्रकाशित १ साल अघि

२१९ पाठक संख्या

ओपनर कुशल भुर्तेलले शानदार शतक प्रहार गरेपछि नेपालले विश्वकप लिग–२ मा नामिबियामाथि २ विकेटको रबाफिलो विजय हात पारेको छ ।

भुर्तेलले १ सय १५ रन बनाएपछि नेपालले २ सय ८६ रनको लक्ष्य १४ बल अगाडि नै पूरा गरेको हो । नेपालले एकदिवसीय अन्तर्राष्ट्रियमा सबैभन्दा ठूलो विजय लक्ष्य रन पार गरेको हो ।

ओपनर कुशल भुर्तेल शतक, कप्तान रोहितकुमार पौडेलको बलियो साथ अनि करण केसीको ५ विकेट तथा सन्दिप लामिछानेले ३ विकेट, सोमपाल र कुशलले १/१ विकेटको मद्दतमा नेपालले नामिबियामाथि २ विकेटको कीर्तिमानी जित निकालेको छ ।

आईसीसी क्रिकेट विश्वकप लिग टूको त्रिकोणात्मक शृंखलाको पहिलो खेलमा नामिबियाले मंगलबार घरेलु टोलीलाई २८६ रनको लक्ष्य दिएको थियो । भुर्तेलको ११५ रनको मदतमा नेपालले ४७।४ ओभरमा ८ विकेट गुमाएर जित निकाल्यो ।