विपी राजमार्गमा राखिएको ‘होक्स बम’ सेना द्धारा डिस्पोज

मिडियाचोक

२०७९ भाद्र ७, मंगलबार मा प्रकाशित १ साल अघि

३०६ पाठक संख्या

विपी राजमार्ग अन्तर्गत धुलिखेल ९ रानाछापमा अज्ञात समूहले राखेको होक्स बम (नक्कली) नेपाली सेना र नेपाल प्रहरीले डिस्पोज गरको छ ।

विप्लव माओवादीलगायत संगठनले बन्द आयोजना भएको दिनमा भेटिएको प्रेसरकुकर होक्स बम नेपाली सेनाको कालीजंग गण र जिल्ला प्रहरी कार्यालय धुलिखेल बाट खटिएको टोलीले डिस्पोज गरिएको हो । बम डिस्पोज सँगै अबरुद्ध भएको विपी राजमार्ग सुचारु भएको छ ।

जिल्ला प्रहरी कार्यालय काभ्रेका डिएस्पी ढुण्डीराज न्यौपानेका अनुसार प्रेसर कुकर बम भनेर जनमानसमा त्रसित बनाउन खोजेपनि उक्त बस्तु बम नभएको जानकारी दिए ।

विप्लव माओवादी लगायत साना चार दलले आह्वान गरेको नेपाल बन्द काभ्रेमा भने खासै प्रभाव छैन ।

तस्वीर देवराज केसीको फेसवुकबाट