खाजाको पैसा कटाएर मृगौला पीडित सुदिपलाई सहयोग

मिडियाचोक

२०७७ माघ १४, बुधबार मा प्रकाशित ३ साल अघि

५६४ पाठक संख्या

नमोबुद्ध नगरपालिका वडा नं २ भकुण्डेबेशीमा रहेको ग्रामीण पाठशाला एजुकेसन फाउन्डेसनमा अध्ययनरत विद्यार्थीहरुले आफनो खाजा खर्च कटाएर मृगौला पीडितलाई सहयोग गरेका छन् ।

उनीहरुले दिवा खाजाको लागि ल्याएको पैसा जम्मा गरि नमोबुद्ध नगरपालिका वडा नं २ पात्लेगाउँका १५ वर्षीय मृगौला पीडित सुदिप तामाङलाई आर्थिक सहयोग गरेको विद्यालयका शिक्षक विवेक तामाङले जानकारी दिए ।

खाजा खर्चबाट जम्मा पारेको रु ३ हजार १ सय ६० विद्यार्थीहरुले आफ्नै हातबाट पीडितका हजुरबुबा टेक बहादुर तामाङलाई विद्यालय प्राङगणमा हस्तान्तरण गरेका छन ।
मृगौला पीडित तामाङको सिघ्र स्वाथय लाभको कामना सहित सहयोगी हातहरुलाई सहयोगको लागि मिडियाचोक डटकम हार्दिक अनुरोध गर्दछ ।