काभ्रेमा बुधवार १ जना कोरोना संक्रमितको मृत्यु भएको छ ।
मृत्यु हुनेमा बेथानचोकका ८६ वर्षिया महिला रहेको जिल्ला स्वास्थ्य कार्यालय काभ्रेले जनाएको छ ।
त्यस्तै आज जिल्लामा १८ जना संक्रमित थपिएका छन् । नयाँ पुष्टि भएका संक्रमितहरुमा बनेपाका ८, धुलिखेलका ७, पनौतीका १, पाँचखालका १ र महाभारतका १ जना रहेका छन् ।
यो संगै जिल्लामा कोरोना संक्रमितको संख्या काभ्रेमा ३ हजार २ सय १७ पुगेको छ ।
सक्रिय संक्रमितको संख्या १३५ जना रहेको छ भने जिल्लामा कोरोना संक्रमणबाट ४२ पुरुष र १७ महिला गरी ५९ जनाको मृत्यु भएको छ । जसमध्ये १२ पुरुष र ४ महिला अन्य जिल्लाका रहेका छन् ।
प्रतिक्रिया दिनुहोस