रोशी ११ भैंसेडाँडामा जग्गाको निहुँमा झगडा हुँदा एक जनाको मृत्यु भएको छ भने एक जना घाइते भएका छन् । घाईतेको हेलिकप्टर मार्फत काठमाण्डौ उद्धार गरिएको छ ।
मृत्यु हुनेमा रोशी ११ का सुब्बा बिशुंखे छन् भने घाइते खड्ग नेपालीको हेलिकप्टर मार्फत उपचारको लागि काठमाण्डौ लगिएको रोशी ११ का वडा अध्यक्ष मिलन लामाले जानकारी दिए ।
सुब्बा र खड्ग विच जग्गा विवाद बढ्दै जाँदा कुटाकुट भएको थियो । एक अर्कामा झगडा हुँदै कुटाकुट हुँदा दुबै घाईते भएका थिए । प्रारम्भिक अनुसन्धानको क्रममा बञ्चरो प्रहारबाट विशुंखेको मृत्यु भएको बुझिएको छ । झडपमा नेपालीको छोरोले समेत विशुंखेलाई कुटेको स्थानीयको भनाई छ ।
प्रहरी घटनास्थल पुगेकोले घटनाबारे थप अनुसन्धान भैरहेको जनाएको छ ।
प्रतिक्रिया दिनुहोस