काभ्रेको धुलिखेल अस्पतालमा एक कोरोना संक्रमित पुरुषको मृत्यु भएको छ । काभ्रेको पाँचखाल घर भई हाल बनेपामा बस्दै आएका ७३ वर्षीय वृद्धको कोरोनाका कारण शुक्रबार राति मृत्यु भएको धुलिखेल अस्पतालले जनाएको छ ।
दम रोगबाट पीडित वृद्धमा कोरोना संक्रमण पुष्टि भएपछि असोज २७ गतेबाट उनलाई धुलिखेल अस्पताल राखेर उपचार गरिँदै थियो ।
मृतक वृद्धको लाश नेपाली सेनाको टोलीले पशुपति आर्यघाट लगेको अस्पतालले जनाएको छ ।
हालसम्म काभ्रेमा कोरोना संक्रमणबाट १३ जनाको मृत्यु भएको छ । जसमा आठ पुरुष र पाँच महिला रहेका छन् । शनिबार विहानसम्म काभ्रेमा कोरोना संक्रमितको संख्या एक हजार २०५ जना रहेका छ । जसमा सक्रिय संक्रमितको संख्या पाँच सय ४० रहेको छ ।
प्रतिक्रिया दिनुहोस