पाँचखालको चामुन्डा पम्म नजिक टिपरले किच्दा एकको मृत्यु

मिडियाचोक

२०८० आश्विन २८, आईतबार मा प्रकाशित १ महिना अघि

६८१ पाठक संख्या

अरनिको राजमार्ग अन्तरगत पाँचखाल नगरपालिका वडा नं ६ मा रहेको चामुन्डा पम्म नजिक टिपरले किच्दा एक जनाको घटनास्थलमानै मृत्यु भएको छ ।

बा ७२ प ९७६२ नं को मोटरसाईकल र विपरित दिशाबाट आउदै गरेको बागमती प्रदेश ०२–०२४ प २५०१ नं को स्कुटरमा ठोकिएर सडकमा ढलेका तिमल्सिनालाई पांचखालबाट धुलिखेल तर्फ जादै गरेको बागमती प्रदेश ०१–००४ क २३२८ नम्बरको नीजि टिपरले किच्दा पाँचखाल ६ घर भएका व्यवसायी नारायण तिमल्सिनाको घटनास्थलमानै मृत्यु भएको हो ।

तिमल्सिना पाँचखाल तामाघाट बजारमा रहेको पसल बन्द गरी आफ्नो स्थाई बसोवास ३८ किलो तर्फ जाँदै गर्दा दुर्घटना भएको थियो ।

सवारी दुर्घटना पश्चात स्थानीयले दोसीमाथि कारबाहीको माग गर्दै शव उठाउन दिएका छैनन भने अरनिको राजमार्ग पुर्ण रुपमा बन्द गरेका छन् ।

बन्द सडक खुलाउनको लागि नेपाल प्रहरी, शसस्त्र प्रहरीको ठुलो उपस्थिती रहेको छ ।

तस्वीर : सामाजिक संजाल