२०८१ बैशाख २, आईतबार | Sun, 14, Apr, 2024

काभ्रेमा १० दिनको अन्तरमा कोरोनाले दाजुभाइको मृत्यु

  • २०७७ आश्विन २९, बिहिबार मा प्रकाशित ३ साल अघि
  • ७०६ पाठक संख्या
  • काभ्रेमा कोरोनाको कारण १० दिनको अन्तरमा दाजुभाईको मृत्यु भएको छ ।

    बनेपा–१३ का ५० वर्षीय पुरुषको बुधबार राति मृत्यु भएको छ । उनकै ४५ वर्षका भाइको असोज १८ गते कोरोना संक्रमणकै कारण धुलिखेल अस्पतालमा उपचारका क्रममा मृत्यु भएको थियो । धुलिखेल अस्पतालमा भेन्टिलेटरमा उपचाररत मधुमेहको विरामी समेत रहेका ५० वर्षीय पुरुष भदौ २७ गते देखि धुलिखेल अस्पतालमा उपचारत रहेको जिल्ला स्वास्थ्य कार्यालय काभ्रेका प्रमुख डा. नरेन्द्र झाले जानकारी दिए ।

    त्यस्तै मिर्गौलासम्बन्धी समस्या भएका बनेपाका ७७ वर्षीय पुरुषको आफ्नै घरमा मृत्यु भएको छ ।

    बुधबार धुलिखेल अस्पतालमा डायलासिसका लागि समय लिएर पीसीआर परीक्षण गरेर घर फर्किएका उनको घरमै मृत्यु भएको थियो । पछि पीसीआर परीक्षणपोजेटिभ आएको थियो ।

    योेसँगै जिल्लामा कोरोना संक्रमणका कारण १२ जनाको मृत्यु भएको छ ।

    प्रतिक्रिया दिनुहोस