काभ्रेमा ३७ सहित देशभर ४ हजार ४७ जनालाई कोरोना पुष्टि

मिडियाचोक

२०७७ आश्विन २६, सोमबार मा प्रकाशित २ साल अघि

४३३ पाठक संख्या

काभ्रेमा ३७ सहित पछिल्लो २४ घण्टामा ४ हजार ४७ जनालाई कोरोना संक्रमण पुष्टि भएको छ ।

जिल्ला स्वास्थ्य कार्यालय काभ्रेका प्रमुख डा. नरेन्द्र झाका अनुसार धुलिखेलमा २ पुरुष र ३ महिला, पनौतीमा २ पुरुष र १ महिला, मण्डनदेउपुर १ जना महिला २ जना पुरुष, नमोबुद्ध नगरपालिकाबाट १० जना पुरुष, रोशी गाउँपालिकाबाट १ जना पुरुष, बनेपामा ८ जना पुरुष र ७ जना महिला गरी ३७ नयाँ संक्रमित थपिएको छ ।
यो संगै काभ्रेमा १ हजार ३८ पुगेको छ भने ६ सय ९ जना निको भएका छन् ।

त्यस्तै देशभर ४ हजार ४७ जनामा कोरोना पुष्टि भएको हो । पुष्टि भएका मध्ये उपत्यकामा मात्र २ हजार २ सय ८३ छन् ।

यससँगै कुल संक्रमितको संख्या १ लाख ११ हजार ८०२ पुगेको छ । उनीहरुमध्ये ६४५ जनाको मृत्यु भएको छ भने ७७ हजार २७७ जना संक्रमणमुक्त भएका छन् । पछिल्लो २४ घण्टमा मात्र १४७३ जना संक्रमणमुक्त भएका छन् ।

देशभर ३३ हजार ८८० संक्रिय संक्रमित छन् ।