२०८० फागुन १७, बिहिबार | Thu, 29, Feb, 2024

सम्झनाको बलात्कारपछि त्रिशूलले रोपेर हत्या

  • २०७७ आश्विन १६, शुक्रबार मा प्रकाशित ३ साल अघि
  • ३८३ पाठक संख्या
  • बझाङ मस्टा गाउँपालिका–२ कि १२ वर्षीया सम्झना विश्वकर्माको बलात्कारपछि त्रिशूलले रोपेर हत्या गरेको राजेन्द्र बोहराले स्वीकार गरेका छन् ।

    बुधबार साँझ करिब ४ बजे गोठमा गाईवस्तुलाई घाँस हाल्न घरबाट निस्किएकी सम्झनालाई नजिकैको मन्दिरमा बलत्कार पछि त्रिशूलले रोपेर हत्या गरेको बोहोरो स्वीकारेको प्रहरीले जनाएको छ ।

    घटना भएको राति नै प्रहरीले मस्टा गाउँपालिका–२ का बोहरालाई पक्राउ गरेको थियो । अनुसन्धान र छानबिनको क्रममा उनले बलात्कार र हत्या स्वीकार गरेको प्रहरीले जनाएको छ ।

    हत्याको स्वीकार गरिसकेका बोहराले घटनाको १ महिना अघि साउन २९ गते सोही ठाउँकी १३ वर्षीया बालिकालाई समेत बलात्कार गरेका थिए । तर, ३१ गते आफन्तहरूसँग बसेर मिलापत्र गरिएको थियो ।

    बलात्कारपछि हत्या गरिएकी १२ वर्षीया सम्झनाको आठ दिनपछि दाहसंस्कार गरिएको छ ।

    २० वर्षीय राजेन्द्र बोहरालाई आरोपितका रुपमा सार्वजनिक गरेपछि जिल्ला अस्पतालमा राखिएको बालिकाको शव आफन्तले बुझेका थिए ।

    प्रतिक्रिया दिनुहोस