निजामती कर्मचारीको चुनाव तोकिएकै मितिमा गर्न माग

मिडियाचोक

२०७७ आश्विन ८, बिहिबार मा प्रकाशित ३ साल अघि

२८६ पाठक संख्या

नेपाली कांग्रेसको श्रमिक तथा ट्रेड युनियन विभागले निजामती कर्मचारीहरुको आधिकारिक युनियनको निर्वाचन तोकिएकै मितिमा गर्न सरकारसँग माग गरेको छ ।

ट्रेड युनियन विभागका प्रमुख शिवप्रसाद हुमागाईले बिहीबार प्रेस विज्ञप्तिमार्फत् निजामती कर्मचारीहरुको आधिकारिक युनियनको निर्वाचन तोकिएकै मितिमा गर्न सरकारसँग माग गरेका हुन् ।

केही दिनअघि बसेको मन्त्रिपरिषद् बैठकले असोज २४ गतेका लागि निर्धारित निजामती कर्मचारीहरुको आधिकारिक युनियनको निर्वाचन स्थगित गर्ने निर्णय गरेको थियो ।

मन्त्रिपरिषद् बैठकले स्थगित निर्वाचन कहिले गर्ने भन्ने बारेमा भने केही निर्णय गरेको छैन । कांग्रेसको श्रमिक तथा ट्रेड युनियन विभागले सरकारको उक्त निर्णयलाई दुःखद भनेको छ ।