सिस्नोको पाउडर बनाउने तालिमका सहभागिलाई प्रमाणपत्र वितरण

मिडियाचोक

२०७७ आश्विन ५, सोमबार मा प्रकाशित ३ साल अघि

३३४ पाठक संख्या

तेमाल गाउँपालिका वडा नं २ का कृषकलाई सिस्नोको पाउडर बनाउने तालिम दिईएको छ ।

तेमाल गाउँपालिका, युएनडिपिको आर्थिक सहयोगमा र शान्ति जन आदर्श सेवा केन्द्र काभ्रेको साझेदारीमा दिइएको सिस्नोको पाउडर बनाउने तालिमका तेमाल–२ चुखाको मिलिजुली कृषक समुहका २५ जना स्थानीय सहभागि भएका थिए ।

आईतबार तालिमको समापन तथा प्रमाणपत्र वितरण गरिएको छ । सहभागिलाई तेमाल गाउँपालिकाका उपाध्यक्ष दुर्गामाया तामाङले प्रमाणपत्र वितरण गर्नुभयो ।

सिस्नु मुटुरोग, दम,हाड जोर्नी, बाथ रोगका बिरामिहरुका लागि औषधितुल्य हुने भएकोले नेपालमा यसको माग अनुसार आपूर्ति हुन सकेको छैन । बजारको सम्भावना देखेपछि यहाँका स्थानीय सिस्नु पाउडर उत्पादनप्रति आकर्षित भएका छन् ।

तालिममा स्किल नेपालका फिल्ड निरीक्षक डम्बर थापामगरले सहजिकरण गरेका थिए ।