काभ्रेका १ सय ९९ जना कोरोना मुक्त

मिडियाचोक

२०७७ भाद्र २८, आईतबार मा प्रकाशित ३ साल अघि

२९९ पाठक संख्या

काभ्रेमा कोरोना सङ्क्रमितमध्ये १ सय ९९ जना कोरोना मुक्त भएका छन् ।

३७९ सङ्क्रमित मध्ये १ सय ९९ कोरोना मुक्त भएको जिल्ला स्वास्थ्य कार्यालय काभ्रेका प्रमुख डा. नरेन्द्र झाले जानकारी दिनुभयो ।
हालसम्म २३४ पुरुष र १४४ महिलामा सङ्क्रमण देखिएको थियो । यसमध्ये १२४ पुरुष र ७५ महिलाले कोरोनालाई जितेका हुन ।

कोरोना सङ्क्रमित एक पुरुष र एक महिलाको मृत्यु भएको छ ।
स्वास्थ्य कार्यालयका प्रमुख डा. झाका अनुसार जिल्लामा हाल सक्रिय सङ्क्रमितको सङ्ख्या १७८ छ ।

सङ्क्रमितमध्ये १३९ अस्पताल आइसोलेसन र ३९ होम आइसोलेसनमा उपचाररत छन् ।