सिन्धुपाल्चोक पहिरो अपडेट : ७ जनाको शव भेटियो, २४ बेपत्ता

मिडियाचोक

२०७७ भाद्र २८, आईतबार मा प्रकाशित ३ साल अघि

३०३ पाठक संख्या

बाह्रविसे नगरपालिका–७, घुम्थाङ नागपुजेको पहिरोले पुरिएर सात जनाको मृत्यु भएको छ।

अविरल वर्षासँगै आएको पहिरोले बस्ती पुरिँदा उनीहरुको मृत्यु भएको जिल्ला प्रहरी कार्यालय सिन्धुपाल्चोकका डीएसपी प्रकाश सापकोटाले जानकारी दिनुभयो ।

पहिरोमा भक्तिमाया श्रेष्ठ, जुनु बिक, शुकलाल बिक, सन्देश बिक, सर्किनी नेवार, धनलाल नेवार र ट्याक्सी शेर्पाको शव फेला परेको छ ।

पहिरोले नागपुजे र भीरखर्कका १८ घर बगाउँदा २४ जना बेपत्ता भएका छन्। स्थानीयका अनुसार बिहान करिब पौने चार बजे पहिरो आएको थियो।