काभ्रेको एउटै टोलमा २५ जनामा कोरोना संक्रमण

मिडियाचोक

२०७७ भाद्र २४, बुधबार मा प्रकाशित ३ साल अघि

२६५ पाठक संख्या

काभ्रेको एउटै टोलमा २९ जना कोरोना थपिएका छन् ।

बुधवार धुलिखेल नगरपालिका वडा नम्बर ९ स्थित काभ्रेभञ्ज्याङको एउटै टोलमा २५ जना सहित ३४ मा कोरोना संक्रमण देखिएको स्वास्थ्य कार्यालय काभ्रेका प्रमुख डा. नरेन्द्र झाले जानकारी दिनुभयो ।  पनौती नगरपालिकाका ३ जना पुरुष, श्रीखण्डपुर ४ र बनेपा नगरपालिकाकी एक जना महिलामा कोरोना संक्रमण पुष्टि भएको डा.झाले जानकारी दिनुभयो ।

उनीहरुमा ज्वरो र संक्रमणका लक्षण देखापरेसँगै कोरोना परीक्षण गरिएको थियो । जसमा एकै टोलका २५ जनाको रिपोर्ट पोजिटिभ आएको छ । संक्रमित हुने हरुमा ९ वर्षका बच्चा देखि ८० वर्षसम्मका वृद्ध रहेका छन् ।

संक्रमितलाई उपचारका लागि धुलिखेल अस्पताल र नगरपालिकाको आइसोलेसनमा उपचार गराईएको छ । हालसम्मको विवरण अनुसार काभ्रेमा संक्रमितको संख्या ३६८ पुगेको छ ।