२०८१ बैशाख २, आईतबार | Sun, 14, Apr, 2024

आज उत्साह विना तीज पर्व मनाइँदै

  • २०७७ भाद्र ५, शुक्रबार मा प्रकाशित ३ साल अघि
  • ४३४ पाठक संख्या
  • भाद्र शुक्ल तृतीयाका दिनमा मनाइने हरितालिका तीज पर्व आज महादेवको पूजा आराधना गरी मनाइँदैछ ।

    आजको दिन व्रत बसी शिव–पार्वतीको पूजा, उपासना गरेमा सुख, शान्ति र परिवारको कल्याण हुने धार्मिक विश्वास छ ।शिव–पार्वतीको पूजा गरेपछि नाचगान गर्ने चलन पनि छ । कोरोना भाइरस संक्रमणको जोखिमका कारण यस वर्ष तीजमा सामूहिक भेला हुन रोक लगाइएको छ । साथै पर्वका अवसरमा पशुपतिलगायतका मन्दिरहरु बन्द गरिएका छन् । बुधबार रातिदेखि निषेधाज्ञा लागू भएपछि यस वर्ष महिलाले घरमै महादेवको पूजा आराधना गरी तीन मनाउँदै छन् ।

    सत्ययुगमा आजैको दिन निराहार व्रत बसी पार्वतीले महादेव स्वामी पाएकीले आजको दिनमा व्रत बस्दा मनोकामना पूरा हुने विश्वास छ । अटल सौभाग्यको कामनाका लागि, सन्तान प्राप्तिका लागि, अविवाहित केटी एवं केटाहरुले असल वर र बधु प्राप्तिका लागि पनि तीजको व्रत बस्ने शास्त्रीय विधान रहेको धर्मशास्त्रका जानकारहरु बताउँछन् ।

    कोरोनाका कारण यो पटक तीजको खासै उत्साह छैन् । मन्दिर देवालयहरु बन्द छन् । सबैले आ–आफ्नै घरमा तीज मनाईरहेको फोटोहरु सामाजिक सञ्जालमा राखेका छन् ।

     

    तस्वीर सामाजिक सञ्जालवाट

    प्रतिक्रिया दिनुहोस