सिन्धुपाल्चोकमा भिषण पहिरो :२६ घरका ५०–५५ जना पुरिए, पहिरो झरिरहेकोले उद्धारमा कठिनाई

मिडियाचोक

२०७७ श्रावण ३०, शुक्रबार मा प्रकाशित ३ साल अघि

३४२ पाठक संख्या

सिन्धुपाल्चोकको जुगल गाउँपालिका वडा नम्बर २ लिदिको लामा टोलमा पहिरो जाँदा २६ वटा घर पुरिएका छन् । त्यस टोलका ५०–५५ जना पुरिएको स्थानीय नीमा छिरिङ दोङले जानकारी दिनुभयो ।

नीमा छिरिङका अनुसार उहाँकै परिवारका ३ जना सदस्य पहिरोमा परेको जानकारी दिनुभयो । उहाँका अनुसार अहिलेसम्म प्रहरी, सेना, तथा जनप्रतिनिधिहरु कोही पनि त्यस ठाउँमा पुगेका छैनन् ।

शुक्रबार बिहान करिब ६ बजेर ४२ मिनेटमा आएको पहिरोले अझै ३०–३५ घर अझै जोखिममा रहेका छन् ।
अहिले पानी पर्न रोकिए पनि पहिरो झरिरहेकाले उद्धार टोली खटिन सकेको छैन ।

१९ साउनमा सिन्धुपाल्चोकको मेलम्ची नगरपालिका–११ मा पहिरोमा पुरिएर ८ जनाको मृत्यु भएको थियो । यस्तै २४ असारमा गएको बाढी पहिरोमा बेपत्ता भएका २२ जना अझै फेला परेका छैनन् ।

तस्वीर : विष्णु क्षेत्रीको फेसबुकवाट